Z Lyss am Bahnhof geit am Morge aues chli schneuer
dr Zug wartet nid, hurtig no go es Gipfeli u Kafi ToGo hole. Längts nid für i Lade, de chame sich ufem Peron 1 am Fänschter ono idecke mit süessem, sauzigem oder öpis für zum Zmittag.
Für aui wos chli gmüetlicher chöi nä, hets doch am Bahnhof ganz wohligi u liebevou igrichteti Eggeli wo e ruhigi Atmosphäre schaffe, sigs ufem Gusch ganz hinge oder ide Zugabteil für chli meh intimität, schliesslich simer ja am Bahnhof. O dert blibt z Agebot zum Ässä u Trinke nid unbeachtet, am Mittag gits früschi Mönü, Sandwiches, Salat, Snacks u no viu meh.
Spezieu fein isch o z Zmögele u das darf o am Bahnhof nid fähle, Mänti bis Friti bis am 12.00 Uhr u Samschti, Sunnti bis am 13.00 Uhr mit Rohschinke, Chääs u feiner huusgmachter Gomfi.
