පොලිස් සේවාව පවතිනුයේ මහජනතාවගේ ආරක්‍ෂාව පිණිසය. සාමය සහ ආරක්‍ෂාව සපයමින් ජනතාවට බියෙන් සැකෙන් තොරව ජීවත් වීමේ පරිසරය නිර්මාණය කිරීමේදී පොලිසියට ඇත්තේ සුවිශේෂී කාර්ය භාරයයකි. අප රටේ පොලිස් දෙපාර්තමේන්තුවට සම්බන්ධ බොහෝ නිලධාරීහු අප ඉහතින් සඳහන් කළ ආකාරයටම මහජනතාවගේ සාමය සහ ආරක්‍ෂාව වෙනුවෙන් පෙනී සිටිති. පොලිසියේත් රටේත් ගෞරවය රැක ගනිමින් අවංකව සේවය කරන එම පොලිස් දරුවන්ට දැයේ ප්‍රණාමය හිමිවිය යුතුමය. එහෙත් පොලිසියම ගඳ ගස්සවමින් පොලිස් සේවාවට නිගා වන අයුරින් ක්‍රියාකරන ඇතැම් පොලිස් නිලධාරීන් නිසා මේ වන විට සිදුවෙමින් පවතින විනාශය අතිමහත්ය. කොල්ලුපිටිය ප්‍රදේශයේ කෝටිපති ව්‍යාපාරිකයකුගෙන් පසුගිය දිනවල රුපියල් දෙකෝටි තිස්පන් ලක්‍ෂයකට අධික මුදලක් ‘කාන්තාවක ඇතුළු පිරිසකගෙන් කොල්ලකා තිබිණි. සී.අයි.ඩී. වෙස්ගෙන පැමිණ ඇති පිරිස කෝටිපති ව්‍යාපාරිකයාට මරණ තර්ජනය කරමින් මෙම මුදල කොල්ලකා ඇති බව පොලිසිය පවසයි. පසුව කළ පරීක්‍ෂණවලදී හෙළිවූයේ ව්‍යාපාරිකයාගේ නිවස කොල්ල කෑමට පැමිණි පිරිස අතර පොලිසියට සම්බන්ධ නිලධාරීන් පිරිසකුත් සිටින බවය. මහජනතාවගේ ජීවිත සහ දේපළ ආරක්‍ෂා කිරීම වෙනුවෙන් පෙනී සිටිය යුතු පොලිසිය මෙලෙස චෞරයන් ලෙස හැසිරීම කෙතරම් අසෝබනදැයි අසික්කිතදැයි යන්න අමුතුවෙන් කිව...